ФФМ

Објавено на 09 Мај, 2014 во


Фудбалската федерација на Македонија има привилигија, одговорност и можност да го управува фудбалот во Македонија во сите негови аспекти.

Развојот на аматерскиот и на професионалниот фудбал го остваруваме во партнерство и во соработка со ФИФА и со УЕФА, како фудбалски организации во коишто сме полноправни членки, со Владата на Република Македонија, со стопанството и секако, со спонзорите.

Преземајќи ја улогата, а со тоа и одговорноста да се биде во фудбалот, ние мора да се адаптираме на околностите кои постојано се менуваат и се развиваат. Ние мора да се соочиме со сите нови предизвици кои ги носи фудбалот во светот. Мора да поставуваме нови цели кои ќе не водат до успех, на фер-начин и со вистински вредности. Секоја година, ќе се трудиме да бидеме и спортски и организаторски и административни победници.

Нашата мисија е да и служиме и да ја водиме Фудбалската федерација на Македонија кон остварување резултати и со успешно водство да градиме интегритет за, во целост, да ја сочуваме фудбалеката игра. Да ја заштитиме и да се грижиме за фудбалската иднина, преку јакнење победнички менталитет и преку овозможен пристап на сите кои сакаат да бидат дел од фудбалот во Македонија. Наша мисија е да соработуваме со локалните и со регионалните организации и здруженија, клубови, лиги, гледачи, навивачи и со останати страни кои ја водат играта и го забрзуваат растот, развојот и континуитетот на македонскиот фудбал.

ФФМ е во тесна соработка и со тенденција да ги засилуваме релациите со ФИФА и УЕФА, организации кои имаат занчајна улога во развојот на фудбалот, во промоција на здравјето и во едукацијата во Македонија, во соседството и во светски рамки.

Македонскиот фудбал е еден од најголемите наши амбасадори, промотор на фер-игра, на социјално и општествено вклучување, промотор на здравје и едукација во нашето општество. Наша мисија е да ги штитиме вредностите и клучните принципи на фудбалската игра, како што се: интегритетот, различноста, дигнитетот, правилата на игра, судиите, противниците и поддржувачите, со цел да го заштитиме вистинскиот дух на нашата игра.

Нашата визија е да станеме почитувана фудбалска организација, во земјава и надвор од неа, организација која им служи на сите заинтересирани за фудбалската игра во земјава. Посветени сме на почитување на фудбалската игра и на нашите противници со „фер-плеј“, со одговорност и почит кон сите индивидуи, без разлика дали се играчи, гледачи, навивачи, поддржувачи, партнери или тоа е самото општество, законот и правилата на игра, што претставува наша одговорност кон меѓународното фудбалско семејство.




   
   
Актуелности

15.09.2017    Вести

Влог во развој на женскиот фудбал во Македонија

Фудбалската Федерација на Македонија вложува во развојот на фудбалот во сите сегменти и нивоа од играта, и во таа насока...

Календар

06 Окт

15:00 Македонија - Србија
    У21 квалификации за Европско
20:45 Италија - Македонија
    А репрезентација квалификации за Светско

09 Окт

20:45 Македонија - Лихтенштајн
    А репрезентација квалификации за Светско
А репрезентација