Претседателот на Фудбалската федерација на Македонија, Муамед Сејдини стана нов член на Комисијата на Национални асоцијации на УЕФА, тело кое одлучува за важни прашања поврзани со Европскиот фудбал и ги регулира односите меѓу Асоцијациите членки на УЕФА и Европската куќа на фудбалот.

Вклучувањето на Муамед Сејдини во едно од важните тела на УЕФА е потврда за значајната улога која Фудбалската федерација на Македонија ја има во меѓународните односи и зајакнување на соработката со останатите фудбалски асоцијации.

Претседател на Комисијата на Национални асоцијации е Сервет Јардимчи, претседател на Турската фудбалска Асоцијација, а во Комисијата се вклучени вкупно 15. членови, односно раководни луѓе од исто толку федерации членки на УЕФА и четворица потпретседатели.