УЕФА денеска одржа видео конференција со претставниците на 55. членки на Европската фудбалска асоцијација.

Генералните секретари на сите членки на УЕФА ги слушнаа предлозите и новостите од европската куќа на фудбалот поврзани со календарот за репрезентативните и клупските натпреварувања.

Посебно беше истакната препораката за успешно завршување на националните првенства и Куп натпреварувањата, но УЕФА ќе ги разгледа вонредните случаи доколку одредено првенство се откаже. Ваквите ситуации ќе бидат разгледани од УЕФА при дефинирањето на условите за учество во европските натпреварувања.

Исто така, се разговараше за ХетТрик програмата на УЕФА, а Европската фудбалска асоцијација го нагласи својот цврст став за регулирање на исплатата на средствата во планираните текови.