Македонската репрезентација до 16 години го одигра првиот натпревар од развојниот турнир кој се одржува во Сан Марино. Избраниците на Добринко Илиевски забележаа победа со 2:0 над домаќинот, селекцијата на Сан Марино.

Нашите млади фудбалери одиграа натпревар во кој покрај двата постигнати гола, пропуштија да реализираат и неколку одлични можности. Стрелци на погодоците беа Колевски и Кулушевски.

Репрезентацијата на Македонија на 15 мај (недела) силите ќе ги одмери со Андора, додека два дена подоцна играме со Албанија.