Комеморација за Слободан Вујчиќ - Брацо на 18. јуни во х. Континентал во 11:00 часот

Објавено на 17 Јуни, 2019 во Вести


Големиот помагател на македонскиот фудбал и воопшто на спортот во нашата држава Слободан Вујчиќ - Брацо почина на 15. јуни 2019. на 70. годишна возраст.

Фудбалската федерација на Македонија организира комеморација во негова чест на 18. јуни (вторник) во 11:00 часот во хотел „Континентал“ во Скопје.

Слободан Вујчиќ - Брацо во изминативе 20-тина години беше спонзор на голем број клубови. Со Вујчиќ како главен спонзор, Вардар во 2003 година беше на чекор до влез во групната фаза од Лигата на шампиони. Освен во Вардар, тој помагаше и во клубовите на Цементарница, Македонија ЃП, Работнички, Тетекс, Слога Југомагнат, Еуромилк, Локомотива…

Како претставник на УФА Медиа, а потоа и на СВ-РСА и на Спорт 5, беше застапник на ТВ права на многу мечеви кои ги играа нашите клубови.

Забележлива беше неговата помош и во ракометниот и во одбојкарскиот клуб Вардар. Од првиот натпревар на фудбалската репрезентација на Македонија во Крањ 1993 година ги застапуваше маркетиншките и телевизиските права, а 2004 година ја донираше целокупната опрема на македонските олимпијци на игрите во Атина 2004 година.

Беше голем хуманитарец, носител е на наградата “Мајка Тереза“, Скопје и Македонија ги чувствуваше како своја втора татковина.



   
   
Актуелности

08.07.2019    Вести

Започна изградбата на новата трибина на стадионот во Чаир

Муамед Сејдини, претседател на ФФМ: Заеднички, спортски и братски да изградиме европски стадион...

Календар

03 Сеп

00:00 Австрија - Македонија
    Женска А репрезентација квалификации за Европско

05 Сеп

20:45 Израел - Македонија
    А репрезентација квалификации за Европско

09 Сеп

20:45 Летонија - Македонија
    А репрезентација квалификации за Европско

10 Сеп

16:00 Македонија - Фарски Острови
    У21 квалификации за Европско
А репрезентација