Најдобрата македонска судијка, Ивана Пројковска е избрана да биде еден од делителите на правдата на Европското првенство за жени до 19 години кое ќе се одржи во Словачка од 19. до 31. јули 2016 година.

Ивана Пројковска е најдобро рангирана наша судијка, а претходно ја доби подршката од УЕФА да ја дели правдата на Европското првенство за жени до 17 години кое се одржа во Исланд.

Ова е уште едно големо признание за нашата Ивана Пројковска која повторно се најде на завршницата на едно големо натпреварување под покровителство на УЕФА.