Дарко Чурлинов: Среќен сум што повторно играм фудбал, уште посреќен што сум дел од македонската репрезентација

Објавено на 09 Октомври, 2023 во Вести, Вести

Украина - Македонија

Квалификации за ЕП 2024

14. октомври, 15:00 часот, стадион на Спарта Прага, Чешка

Македонската А репрезентација денеска официјално ги започна подготовките за квалификацискиот натпревар за ЕП 2024 против Украина (14. октомври, 15:00 часот) во Прага.

Повиканите фудбалери со исклучок на Ваљон Етеми и Елиф Елмас кој вечерва ќе пристигне во тимската база го одработија првиот тренинг на „Петар Милошевски“ во Скопје.

Повратникот во најдобрата селекција, Дарко Чурлинов вели дека е среќен што повторно може да игра фудбал после здравствените предизвици, а уште посреќен што е дел од македонската репрезентација. Фудбалерот на англиски Барнли смета дека против Украина треба да го потврдиме квалитетот за позитивен резултат.

„Минав низ тежок период и одлично е чувството што повторно сум на терен. Среќен сум што повторно играм фудбал и пресреќен што сум дел од македонската репрезентација“.

„Овде сме сите еден за друг. Знаеме со каков квалитет располага оваа селекција и без разлика на противникот тоа треба да го покажеме на терен“.