Данчо Масев нов спортски директор на А репрезентацијата на Македонија, Димитар Костадинов во Управниот одбор на ФФМ

Објавено на 19 Јуни, 2018 во Вести


Управниот одбор на ФФМ на денешната седница го назначи Данчо Масев за спортски директор на А репрезентацијата на Македонија.

Дени Масев е поранешен македонски репрезентативец. Фудбалската кариера ја почна во Беласица, а потоа играше и за Вардар и Работнички на домашната сцена. Масев има 34 години и пет настапи за А селекцијата на Македонија.

-Благодарност до Управниот одбор на ФФМ и селекторот на А репрезентацијата на Македонија за укажаната доверба, за мене е голема чест што добив можност да бидам дел од Националниот тим. Со голем дел од фудбалерите во составот од македонската репрезентација се познаваме одлично, дел од кариерата ја минавме заедно во Беласица и Вардар. Имам добра комуникација со сите, убеден сум дека тој однос дополнително ќе го надградиме со целата екипа. Драго ми е што во тимот има одлична енергија, тоа го видовме сите, не само поради добрите резултати во последната година, туку и заради поврзаноста меѓу фудбалерите и нивниот однос кон дресот со државен грб. Имаме одлична репрезентација и добри поединци предводени од капитенот Пандев. Во Лигата на Нации имаме голема шанса и сметам дека сме способни за прво место во групата. Потоа се е можно. Секако дека посакуваме историски резултат и пласман на Европско првенство. Тоа со оваа репрезетнација ни недостасува. Сите сме тука за таа цел, да направиме нешто големо.  

Управниот одбор на ФФМ, на денешната седница доби нов член. На местото на Бранко Здравески во највисокото тело на Федерацијата влегува Димитар Костадинов. Сопственикот на компанијата „Кодинг“ е голем пријател и поддржувач на македонскиот фудбал и воопшто нашиот спорт. Горска е долгогодишен партнер на фудбалот и Фудбалската федерација на Македонија. Костадинов беше претседател на Специјалната Олимпијада на Македонија 2010-2014 и потпретседател на Македонската Кошаркарска Федерација 2005-2014. 





   
   
Актуелности
Календар

26 Сеп

15:30 Македонија - Босна и Херцеговина
    Жени У17 квалификации за Европско
15:30 Унгарија - Франција
    Жени У17 квалификации за Европско

12 Окт

18:00 Русија - Македонија
    У21 квалификации за Европско

13 Окт

20:45 Македонија - Лихтенштајн
    УЕФА Лига на Нации

16 Окт

14:30 Македонија - Гибралтар
    У21 квалификации за Европско
18:00 Ерменија - Македонија
    УЕФА Лига на Нации

16 Ное

20:45 Лихтенштајн - Македонија
    УЕФА Лига на Нации
20:45 Македонија - Гибралтар
    УЕФА Лига на Нации
А репрезентација