Репрезентацијата на Македонија до 18 години одигра пријателски натпревар против соодветната селекција на Бугарија, на фудбалското игралиште на тренинг центарот Петар Милошевски. 

Првата шанса за гол нашите репрезентативци ја имаа во 33 минута од натпреварот кога прво Петковски ја погоди стативата, а потоа Христов не успеа да ја смести одбиената топка во голот на Бугарија.

По нерешеното прво полувреме, гостите го отворија резултатот во 47 минута со погодокот на Цвјатков Томас. Нашата репрезентација комплетно ја превзема иницијативата по примениот гол, и по неколку пропуштени шанси мрежата ја затресе Петковски Петар во 67 минута за израмнување од 1-1.

Конечниот резултат го постави Ѓорѓи Купенов во 76 минута, со што Бугарија славеше со 1-2 на овој пријателски натпревар.

За Македонија настапија следните фудбалери:

Филип Илиќ, Слободан Боцевски (Стефан Лазаревиќ), Христијан Каранфиловски, Нехар Садики (Валентин Кочовски), Тела Шаип. Стефан Јефтовски, Матеј Цветановски (Филип Крстевски), Давор Здравковски, Петар Петковски, Бесарт Исени (Саше Шопоски), Мартин Христов (Ремзифаик Селмани).

- Задоволен сум од играта, но не и од резултатот. На последните неколку натпревари ни се случува истото, имаме одлична игра, но не и позитивен резултат. Во наредниот период интензивно ќе работиме за тоа да се промени. - изјави селекторот Горан Станиќ.