Објавено на 20 Март, 2015 во Вести, До 19 год
Селекторот на нашата селекција за играчи од генерацијата 1997 веќе го објави списокот на играчи - http://ffm.mk/makedonija-do-19-godini-kje-odigra-dva-kontrolni-natprevari-protiv-kipar. Единствената промена е дополнителниот повик до Стефан Лазаревиќ од Македонија Ѓ.П. на местото на повредениот Мартин Мирчевски од Пелистер.
-Ова за нас ќе биде втора сериозна контролна пресметка по дуелот со репрезентациите на Турција минатиот месец. И за овие два натпревари повикавме главно играчи кои и во изминатиот период го носеа товарот на натпреварите. Мартин Христов, Шаип Тела, Садики и Лазаревиќ се новите имиња во составот. Имавме доволно време за анализа на грешките и слабостите од последниот натпревар со Турција, очекувам добра игра од моите фудбалери и позитивен резултат, изјави селекторот на репрезентацијата Горан Станиќ.
Подготовките за натпреварите против Кипар, нашата селекција ги започнува на 23. март. Натпреварите започнуваат во 13.00 часот.