Објавено на 27 Ноември, 2017 во Вести, Детски лиги, Семинари
Фудбалската федерација на Македонија во насока на подобрување на квалитетот на одржување и одигрување на натпреварите во Детските лиги, организира семинар и советување за родители чии деца се членови на клубови или тимови кои се натпреваруваат во Детските лиги на ФФМ во Скопскиот регион. Целта на овој семинар и советување е да се подигне свеста на родителите за значењето на ова натпреварување и да се подобри пристапот кон децата кои се носители на сите активности во детските лиги.
Родителите ќе имаат можност да слушнат презентации од областа на спортска и детска психологија, однос родител-спортист-тренер, важноста и значењето на учеството во детските лиги, психомоторен развој и исхрана на детето, како и препораки за однесување на родителите за време на тренинг и натпревари во детските лиги.
Еднодневниот семинар ќе се одржи со следниов распоред:
- Хотел „Континентал“, 05.12.2017 година
Почеток на семинарот е во 10:00 часот, а родителите треба да дојдат во Х.Континетал најдоцна до 09:30 заради пријава и регистрација на присуство. Семинарот завршува во 15:00 часот со заеднички ручек. Ги известуваме родителите дека своето присуство треба да го пријават на координаторот на регионот, Виктор Палоски.
Младата репрезентација на Македонија до 18 години одигра нов добар натпревар и ја забележа втората победа во рамките на ...