Младинските репрезентации на Македонија, репрезентациите до 17 односно 19 години ги дознаа противниците за следните квалификациски предизвици. 

Македонската репрезентација до 17 години ќе биде дел од групата 9, а противници ќе ни бидат селекциите на Франција, Исланд и Луксембург. 

Нашата селекција до 19 години е во групата 10 заедно со репрезентациите на Србија, Норвешка и Сан Марино.

Фудбалската федерација на Македонија ќе биде организатор и домаќин на двата квалификациски турнири за пласман во Елитна фаза квалификации за Европските младински првенства во 2023 година. 

Квалификациските турнири се закажани за ноември следната година.