Избраниците на селекторот Добринко Илиевски одиграа далеку поквалитетен натпревар од првиот, одлично и парираа на моќната репрезентација на Унгарија, но немаа среќа. Невниманието на нашата одбрана во последните минути го искористи Унгарија и преку Бузас Герго успеа да постигне гол за победа на овој натпревар.

„ Генерално сум задоволен од прикажаното и на двата натпревари. На денешната средба покажавме поголем карактер, одлично им париравме на Унгарците кои имаа на располагање 22 играчи кои беа ставени во игра по едно цело полувреме. Примивме несреќен гол директно од корнер. Имавме и ние свои шанси за постигнување на гол кои за наша несреќа не успеавме да ги реализираме.

Селекторот на репрезентацијата на Македонија до 15 години, Добринко Илиевски дуелот го започна во следниот состав: Лука Наков, Виктор Ризанковски, Јакуп Бериша, Елвир Рамиќ, Марио Наумовски, Марко Ѓорѓиевски, Енис Фазлагиќ, Бојан Колевски Цап, Кристијан Антонов, Алтин Сефо, Васил Крстев.