Македонија У18 трета на силниот турнир во Чешка

Објавено на 24 Август, 2019 во Вести, До 19 год


Македонската репрезентација до 18 години, предводена од селекторот Шкумбин Арслани, го освои третото место во 26-тото издание на силниот меѓународен турнир  Вацлав Јежек во Чешка, каде освен нашата и домашната селекција учествуваа и Украина, Словачка, Латвија и Унгарија. 

После освоеното второ место во групната фаза (пораз 2:1 од Украина, и победа 3:2 над Словачка) денеска Македонија У18 беше убедлива и со 3:0 ја победи соодветната репрезентација на Унгарија во натпреварот за третото место на овој силен турнир. 

Македонија У18 влезе фуриозно на овој меч и успеа да поведе со 1:0 во 10-тата минута со голот на Иван Николов. Момците на селекторот Шкумбин Арслани продолжија фуриозно и после таквата игра веќе во 29-тата минута беше 3:0. Бехар Фета во 23-тата минута погоди за 2:0, а шест минути подоцна Влада Новески ги постави конечните 3:0. Вреди да се спомне дека од 55-тата минута игравме со 10 играчи после црвениот картон на Илиевски, но младите унгарци не успеаја да ја користат предноста од еден играч за да се вратат во игра. Во 60-тата минута од натпреварот нашиот голман Китаноски одбрани пенал. Триумфот вредеше трето место за Македонија У18.

“Овие момци го потврдија тоа дека во нив има квалитет кој допрва ќе дојде до израз и потврдија дека победата над Словачка беше заслужена. Жалиме за поразот од Украина, бидејќи бевме подобри, но одиме напред кон нови предизвици. Верувам во овие момци и знам дека можат повеќе. Ова победа му ја посветуваме на нашиот голман Марко Алчевски кој е во процес на рехабилитација по операцијата на коленото. Сите ние му посакуваме што побрзо да се врати на зелените терени”, изјави селекторот на Македонија У18, Шкумбин Арслани. 

МАКЕДОНИЈА У18: Кристијан Китановски, Бењамин Далипи, Алтрим Јакупи, Виктор Крстевски, Имран Фетаи, Иван Николов, Хамза Рамани, Лука Станковски, Бехар Фета, Влада Новевски, Марио Илиевски.

Играа уште: Азер Омерагиќ, Димитар Тодоровски, Али Асани, Александар Ѓуркоски, Филип Костовски, Лавдрим Латифи.

Селектор: Шкумбин Арслани



   
   
Актуелности

10.09.2019    Вести

Македонската репрезентација до 21 година со убедлива победа против Фарски Острови ги отвори квалификациите за ЕП 2021

Селекцијата на Благоја Милевски славеше со 7:1, хет - трик на Димитар Митровски....

Календар

01 Окт

11:00 Романија - Словачка
    Жени У19 квалификации за Европско
15:30 Франција - Македонија
    Жени У19 квалификации за Европско

02 Окт

15:00 Македонија - Казахстан
    Женска А репрезентација квалификации за Европско

04 Окт

11:00 Франција - Романија
    Жени У19 квалификации за Европско
15:30 Словачка - Македонија
    Жени У19 квалификации за Европско

05 Окт

15:00 Македонија - Србија
    Женска А репрезентација квалификации за Европско

07 Окт

11:00 Словачка - Франција
    Жени У19 квалификации за Европско
15:00 Македонија - Романија
    Жени У19 квалификации за Европско
17:00 Црна Гора - Македонија
    У21 квалификации за Европско
20:45 Македонија - Словенија
    А репрезентација квалификации за Европско
А репрезентација