Македонската репрезентација до 16 години ја оствари и втората победа против Словенија. Нашата селекција на вториот контролен натпревар на тренинг центарот „Петар Милошевски“ славеше со 2:0. Методи Максимов во 62. и Иван Николов во 76. минута беа стрелци на головите за тимот предводен од Марио Вујовиќ. Во текот на целиот меч нашите кадети беа подобри и заслужено славеа. Инаку ова беше втор меч со Словенија за само два дена и втора победа. Завчера победивме со 1:0.

Во 62. минута Максимов погоди по асистенцијата на Арифи, а конечните 2:0 беа дело на Николов во 76. минута кога најпрво Ѓурковски шутираше со глава, а топката ја погоди стативата, натрча Николов и ја смести во голот.

Македонија 16 години: Ваневски, Мурати, Стоменов, Гјурковски, Салиу, Николов, Андоновски, Станковски, Арифи, Фетаи и Максимов. Подоцна во игра влегоа и Тодоровски, Костески, Костовски, Терзиев, Аврамовски, Омерагиќ, Камили, Сали.