Përfaqësuesja A e Maqedonisë për femra aktualisht ndodhet në Dojran, ku po përgatitet intensivisht në kuadër të kampit të organizuar nga seleksionuesi, Kiril Izov.

Futbollistet tona më të mira në këtë kamp po përgatiten për sfidat e ardhshme që i presin në shtator.

Seleksionuesi i përfaqësueses së Maqedonisë për femra, Kiril Izov, në këtë kamp ftoi këto futbolliste:

Portiere: Marija Janevska (Istatov 2015), Kristina Pavloska (Shkëndija);

Mbrojtja: Sara Kolarovska (Skopje 2014), Katerina Mileska (Cevitana), Ana Milçevska, Katerina Petkova (Istatov 2015), Edina Sulejmani (Ass United), Kristina Mojsoska (Ass United), Aleksandra Jovanovska (Istatov 2015), Suzana Boshkovska (Istatov 2015);

Mesfusha: Olivera Cokleska (Ass United), Radica Velkova (Tiveria), Sara Eftindxhioska (Cevitana), Diana Ristovska (Skopje 2014), Elma Semsovic (Skopje 2014), Mia Golovska (Skopje 2014), Rabia Dervishi (Skopje 2014);

Sulmi: Stefanija Ristova, Jovana Pavlovska (Cevitana), Julia Zhivić, Hava Mustafa (Shkëndija), Yllza Maksuti (Ass United), Lence Andreevska (Kamenica Sasa);

Kiril Izov, seleksionues i përfaqësueses së Maqedonisë për femra;

“Qëllimi i këtij kampi është që të përgatitemi sa më mirë për sfidat që na presin në periudhën e ardhshme. Futbollistet e mia po bëjnë maksimumin në këto seanca stërvitore, ne punojmë shumë dhe përpiqemi të jemi më të mirë çdo ditë.

“Liga e Kombeve fillon në shtator. Jemi në grup me Bullgarinë dhe Kosovën. Nuk do të jetë e lehtë, por pres që të jemi në formë të mirë konkurruese që në fillim. Ndeshjen e parë e luajmë kundër Bullgarisë, në Shkup më 22 shtator.

“Pres një paraqitje të mirë nga ne në ndeshjet e ardhshme të Ligës së Kombeve. Shpresoj që të arrijmë të sigurojmë një renditje të mirë dhe t'i gëzojmë tifozët tanë.

“Sa i përket kampit që e organizojmë në qendrën sportive Istatov në Dojran, kemi kushte të shkëlqyera pune. Programi përfshin 10 seanca stërvitore dhe dy ndeshje kontrolluese kundër përfaqësueses U15 të Maqedonisë. Ne do ta shfrytëzojmë këtë periudhë për t'u përgatitur dhe për të qenë në një nivel të lartë para fillimit të Ligës së Kombeve".