Qendra për Edukim pranë Federatës së futbollit të Maqedonisë në periudhën prej 15 deri më 21 tetor 2018 në kompleksin sportiv të hotelit ‘Istatov’ organzoi seminarin e 24 për paisje me diplomë B të UEFA-së për trajner.

Në këtë edicion morrën pjesë 48 kandidatë, në mesin e të cilëve ish-futbollistë të njohur dhe reprezentues si Vanço Trajanov, Minas Osmani, Ersen Sali, Boban Grnçarov, Filip Ivanovski, Bazhe Ilijoski, Dejan Kosturanov, Dimitrija Lazarevski, Muarem Muarem, e të tjerë.

Në seminarin për licencën B të UEFA-së në Dojran, Federata e futbollit të Maqedonisë me mbështetje të UEFA-së ndihmoi edhe 13-të kandidate femra të cilat shprehën dëshirë dhe motiv për t’u paijisur me diplomë për trajner. Ky aksion është pjesë e projektit të UEFA-së dhe FFM-së për zhvillimin e futbollit të femrave në segmentin e rritjes së profesionalizmit tek kuadrot e trajnerëve të cilët më pas nën udhëheqje të mentorit të tyre do të kyçen në procesin stërvitor në futbollin e femrave.

Pas kompletimit të detyrimeve të këtyre 13-të kandidateve, numri i trajnereve femra në Maqedonisë do të shkojë në 32 dhe në këtë mënyrë do të rritet konkurenca edhe në kategorinë e trajnerëve femra.