Përfaqësuesja A e Maqedonisë po përgatitet për ndeshjen eliminatoret për Kampionatin Europian 2024 kundër Ukrainës më 16 qershor (e premte) në Arenën “Todor Proeski” në Shkup.

Para fillimit të stërvitjes së pasdites, para gazetarëve kanë folur reprezentuesit Milan Ristovski dhe Agon Elezi.

Milan Ristovski:

– “Atmosfera është e mrekullueshme, të gjithë jemi të motivuar kur jemi në fanellën e përfaqësueses, duam të bëjmë një sukses të ri dhe jam i bindur se do ta luftojmë së bashku. Ukraina është një përfaqësuese e fortë me lojtarë që luajnë në klube të mëdha, por ne po luajmë në fushën tonë, presim mbështetje nga publiku dhe besoj se mund të arrijmë një rezultat pozitiv”.

“Ne luajtëm kundër Ukrainës në Kampionatin Evropian, por mendoj se kjo do të jetë një lojë krejtësisht tjetër edhe pse sigurisht që do të përdorim analiza të caktuara nga ajo ndeshje mes nesh. Në këtë fazë të përgatitjeve jemi bazuar më së shumti në gjërat taktike, po rifitojmë freskinë dhe shpresoj që t'u përgjigjemi sa më shumë detyrave të seleksionuesit”.

Agon Elezi:

– “Energjia në stërvitje është në nivele të larta edhe pse është fundi i sezonit. Megjithatë, kjo është dëshmi se sa të motivuar jemi, sa e shëndetshme dhe pozitive është atmosfera në ekip. Duhet të jemi pozitivë dhe të besojmë. Na pret një ndeshje jashtëzakonisht e fortë me një përfaqësuese që ka një trajner të ri dhe ndoshta një moment shtesë për një rezultat pozitiv”.

– “Më duhet të them që po stërvitemi shumë mirë, ndihemi mirë. E gjithë kjo duhet të bartet në lojë. Jemi të vetëdijshëm se çfarë na pret, Ukraina është një ekip cilësor dhe nuk do të jetë e lehtë, por ne jemi gati. Gjithçka është e mundur dhe ne do të bëjmë më të mirën. Shpresojmë për një rezultat pozitiv”.