Pasditën e sotme në qendrën stërvitore të “Bellis Deluxe Hotel” në Belek, përfaqësuesja U21 e Maqedonisë bëri përgatitjet e fundit para duelit kontrollues të nesërm kundër Letonisë.

Ndeshja kontrolluese ndaj Letonisë do të jetë e para nga tre takimet e planifikuara në Antalia të Turqisë në kuadër të përgatitjeve për kualifikueset e ardhshme që nisin për në shtator.

Reprezentuesi Viktor Krstevski, në ndeshjen e nesërme e pret Maqedoninë të jetë më sulmuese, e cila do ta kërkojë fitoren.

“Jemi në gjendje të shkëlqyer fizike. Pothuajse të gjithë futbollistët janë në dispozicion të trajnerit. Kemi pasur përgatitje të shkëlqyera në ditët e mëparshme, mezi presim ndeshjen e nesërme kundër Letonisë.

“Ndeshjet stërvitore dhe kontrolluese në Antalia do t'i shfrytëzojmë në mënyrën më të mirë të mundshme për t'u përmirësuar dhe korrigjuar në segmente të caktuara të lojës, gjithçka për të qenë sa më të përgatitur dhe në formë të mirë për fillimin e kualifikueseve.

“Kemi kushte të shkëlqyera pune, ka një energji pozitive të shkëlqyer mes nesh futbollistëve, dëgjojmë udhëzimet e trajnerit tonë, stërvitemi fort dhe me vendosmëri, besoj se vetëm me këtë qasje mund të arrijmë diçka të madhe”.

“Për ndeshjen e nesërme kundër Letonisë, pres një luftë dhe sakrificë të madhe nga ana jonë. Qëllimi është i qartë dhe ai është fitorja. Ne duam të dëshmojmë edhe një herë se kjo gjeneratë ka një mentalitet fitues”.

Përveç ndeshjes me Letoninë, futbollistët tanë të rinj do të luajnë edhe me Finlandën (25 mars) dhe Sllovakinë (28 mars).