Përfaqësuesja U16 e Maqedonisë ka luajtur sot pasdite të parën nga dy ndeshjet e planifikuara kontrolluese ndaj Turqisë.

Në qendrën stërvitore “Petar Milloshevski” skuadra e seleksionuesit Rade Karanfiloski humbi me rezultat 2:1 nga Turqia në një ndeshje interesante dhe emocionuese.

Futbollistët tanë të rinj luajtën shumë mirë dhe e përballuan mirë kundërshtarin e fortë. Në fund Turqia arriti të merr një fitore minimale.

Kundërshtari e hapi mirë ndeshjen. Në fillim të minutës së 7-të, Ertem Oguzcan arriti të shënojë për avantazh 1:0. Epërsinë në 2:0 e rriti Ahmet Hakan në minutën e 49-të.

Goli për Maqedoninë ishte vepër e Blendi Ganiut në minutën e 74-të të ndeshjes.

Maqedonia: Antonij Trajkovski, Enver Fejzulovski, Martin Dxhangarovski, Aleks Zaponçek, Riste Stoilov, Mateo Kesic, David Angeleski, Stefan Brankovski, Aleksandar Grashevski, Florent Osmani, Nenad Damjanovski;

Në pankinë: Ivo Markovski, Aleksandar Trajkov, Stefan Stamatoski, Loren Zaku, Blendi Ganiu, Andrej Petreski, Mateo Karanfiloski, Luka Varoshanoski, Dushan Bojovic Zaev, Flori Iljazi, Cela Nazifi;

Seleksionues: Rade Karanfiloski;

Këto dy përfaqësuese do të luajnë ndeshjen e dytë kontrolluese më 31 gusht.