Federata e Futbollit të Maqedonisë (FFM), ka mbajtur Asamblenë e saj të përgjithshme të rregullt. Në Asamblenë e përgjithshme të rregullt, të pranishëm ishin 58 nga gjithsej 60 delegatë, të cilët i miratuan pikat në vijim nga rendi i ditës. 

- Llogarinë përfundimtare për vitin 2023;

- Raport nga revizori i pavarur për vitin 2023;

- Raportin e Këshillit Mbikëqyrës për vitin 2023;

- Konfirmimin e vendimit për suspendimin e LFK Strumica;

- Miratimi i raportit nga presidenti dhe Bordi Drejtues i FFM-së;

- Raport nga administrata për përmbushjen e planeve strategjike;

- Miratim i buxhetit për vitin 2024;

Sekretarja e Përgjithshme e FFM-së, Natalia Ilievska Bozhinovska, në fjalimin e saj theksoi se federata ka bashkëpunim të shkëlqyeshëm me Federatat Komunale të Futbollit, si bazë e saj, duke theksuar njëkohësisht edhe bashkëpunimin e jashtëzakonshëm me UEFA-n dhe FIFA-n.

Natalia Ilievska Bozinovska - sekretare e përgjithshme e FFM-së:

“Në emrin tim dhe në emër të Federatës së Futbollit të Maqedonisë, dëshiroj të theksoj se kemi një bashkëpunim të shkëlqyer me të gjithë ju dhe dua t'ju përgëzoj sinqerisht për punën tuaj të deritanishme. Ju uroj shumë lumturi, forcë dhe sukses në përballimin e sfidave të reja.

Si pjesë e FFM-së, jemi të lumtur që në Federatat Komunale të Futbollit kemi një partner të shkëlqyer. Në këtë mënyrë po ndërtojmë një federatë edhe më të fortë me strukturë më të mirë, por edhe marrëdhënie të shkëlqyera me shoqatat e tjera.

Gjithmonë do ta ndihmojmë bazën tonë. Prandaj në të ardhmen do t'ju ftoj të bisedojmë, të luftojmë, të punojmë së bashku, të kontribuojmë në avancimin e futbollit maqedonas.

Ne jemi një ekip. Kjo do të thotë se ne së bashku përpiqemi t'u përgjigjemi të gjitha, madje edhe pyetjeve dhe problemeve të vështira. Duhet të njohim qartë çdo problem në të ardhmen dhe të vëmë në dukje publikisht parregullsitë që hasim.

Si FFM, ne përpiqemi që futbolli të jetë vend – model, ku respektohen rregullat dhe të gjithëve u jepet një shans.

Ne jemi një federatë e vogël, por marrim shumë nga miqtë tanë nga UEFA dhe FIFA. Ata janë partnerët tanë. Organizata që vërtetë kujdesen për vlerat e vërteta të futbollit. Organizata që ofrojnë mbështetje të plotë për të gjithë anëtarët e tyre që synojnë të realizojnë një projekt të rëndësishëm për sportin tonë.”

Më poshtë mund të shihni videon nga raporti i pranuar Vjetor i administratës së Federatës së Futbollit të Maqedonisë në përputhje me planet strategjike.