Një prej faktorëve për avansim janë edhe trajnerët të cilët direkt ndikojnë për përmirësimin e situatës në futbollin e femrave.  

Për këtë qëllim FFM bashkë me UEFA-në ndihmuan edukimin e 14-të femrave të cilët u përcaktuan të punojnë në futbollin e femrave dhe kishin dëshirë të pajisen me Diplomë B të UEFA-së. Me ftesë të UEFA-së një pjesë e tyre, ato që janë active në klube, morrën pjesë në seminar për futboll të femrave në Ishujt Faroe ku bashkë me kolegët/koleget e tyre nga Hungaria, Gjibraltari, Lihtenshtajni, Gjeorgjia dhe Ishujt Faroe kishin mundësi të ndjekin program kualitativ dhe të ndrojnë mendime, ide dhe përvojë për punën në futbollin me femra.

Në këtë seminar përgjegjësi për futbollin e femrave në FFM, Kushtrim Luma kishte prezantim për situatën, mundësitë dhe sfidat e futbollit të femrave në Maqedoni. Impresionet nga kjo ngjarje në deklarata për faqen zyrtare të FFM-së i përcjellin disa prej pjesëmarësve.

“Jam e lumtur që morra pjesë në një seminar të këtillë, i cili sipas meje ka rëndësi të madhe si trajner i gategorive të reja. Gjithsesi se është motiv dhe inspirim për punë më të mirë. Me këtë seminar vetëm mu vërtetua se pas karrierës si futbollist patjetër të investosh në edukim dhe zhvillim, si dhe të ndjekësh trended në lojën e futbollit që karriera futbollistike të jetë e suksesshme. Përshtypje më të madhe më la sjellja pozitive dhe e motivuar e trajnerëve ndaj femrave, pasi gjithë kohën gjatën seancave stërvitore ishin të buzëqeshur dhe të disponuar për të realizuar programin", deklaroi Bojana Ivanova.