Përfaqësuesja A e Maqedonisë vazhdon përgatitjet për ndeshjen e së shtunës nga ora 20:45 kundër Italisë. Futbollisti i ri i Ascolit, Ilija Nestorovski, beson se Maqedonia, nëse është e fokusuar nga minuta e parë deri në minutën e fundit, mund të arrijë një rezultat të ri të madh kundër kampionit të Evropës, Italisë.

– E dimë që Italia është përgatitur sa më shumë për ndeshjen kundër nesh që në ditën e parë. Ata duan hakmarrje për atë që ndodhi në Palermo. Ata kanë një trajner të ri, një parim të ri loje dhe formacioni. Ne jemi të fokusuar tek vetja, po ecim hap pas hapi. Në futbollin e sotëm, çdo lojë e re sjell presion. Jemi duke u përgatitur mirë dhe shpresoj të arrijmë një rezultat të mirë.

- Ne kemi nevojë për përqendrim të plotë nga minuta e parë deri në minutën e fundit dhe secili prej nesh të kryejë detyrat. Shpresoj që publiku të na ndihmojë dhe të jetë lojtari ynë i dymbëdhjetë. Së bashku me ta mund të arrijmë një rezultat pozitiv.