Federata e Futbollit të Maqedonisë ka mbajtur Kuvendin e Rregullt Vjetor. 

Në Kuvendin e Rregullt të mbajtur në Shkup, delegatët e pranishëm miratuan raportin e Presidentit dhe Këshillit Drejtues të FFM-së për vitin 2022.

Organi më i lartë i federatës miratoi llogarinë përfundimtare për vitin e kaluar dhe buxhetin e federatës për vitin e ardhshëm. Delegatët e Kuvendit njëzëri miratuan raportin nga Administrata e FFM-së për përmbushjen e planit strategjik 2021-2025, si dhe u miratua edhe Strategjia për Qëndrueshmëri Sociale.

Pjesa e punës e Kuvendit të Rregullt të sotëm të FFM-së është përcjellë nga përfaqësues të UEFA-s dhe FIFA-s. Denis Bastari, përfaqësues i departamentit të Shoqatave Kombëtare përfaqësoi UEFA-n, ndërsa Elkan Mamadov dhe Lorenzo Kavanjari ishin përfaqësues të FIFA-s.

Muamed Sejdini - president i FFM-së

Në vitet e kaluara kemi arritur të realizojmë një numër të madh projektesh dhe dua të falënderoj të gjithë në familjen e futbollit që kontribuan. Ky ekip është sinonim i suksesit dhe shpresës.

Investimi në infrastrukturë mbetet i rëndësishëm për federatën. Deri më tani kemi investuar në fusha në mbarë Maqedoninë, por ajo që është e rëndësishme të theksohet është se në periudhën e ardhshme do të punojmë në përmirësimin e kushteve edhe në qendrën tonë stërvitore "Petar Milloshevski".

Do të marrim vendimin më të mirë me Këshillin Drejtues dhe mendoj se në periudhën e ardhshme do të mund të flasim më konkretisht për këtë. Çështja nuk është vetëm të bëjmë fotografi, por të tregojmë hapat konkretë që bëjmë. Nëpërmjet një qasjeje strategjike dhe një projekti, infrastruktura e futbollit në të gjithë vendin përmirësohet, ne ndërtojmë dhe rregullojmë stadiume, tribuna të reja dhe ekzistuese.

Është detyrimi ynë që të krijojmë kushte maksimale për futbollistët tanë dhe stafin teknik të të gjitha ekipeve kombëtare. Të ndihen rehat në punën e tyre dhe të jenë gjithmonë më të mirët në fushë siç e tregojnë dhe e dëshmojnë vazhdimisht.

Vizioni ynë është që pjesëmarrja në garat e mëdha të jetë një gjë normale dhe ne të bëhemi pjesëmarrës të rregullt në ato. Suksesi vendos standarde të reja pune dhe profesionalizmi është motivimi kryesor për gjeneratat e reja.

Suksesi është i natyrshëm dhe një detyrim për të punuar shumë dhe për tu përmirësuar vazhdimisht, nga kategoritë më të vogla, futbolli shkollor, ligat për fëmijë dhe akademitë deri në përzgjedhjet kombëtare.

Ne nuk jetojmë me sukseset e të kaluarës, kemi një plan dhe një program dhe po ecim hap pas hapi.

Programi ynë i punës është hartuar në mënyrë cilësore dhe ndjek federatën për sa i përket synimeve dhe asaj që duhet dhe mund të bëhet. Në këtë drejtim, ne kemi mbështetje dhe ndihmë të madhe nga UEFA dhe FIFA, për të cilat jemi jashtëzakonisht mirënjohës.

Ne nuk ikim nga sfidat që na presin, përkundrazi jemi gati dhe presim sfida të reja. Të gjitha në drejtim të të qenit krenarë për përfaqësuesen, krenarë për përfaqësueset e reja, krenarë për klubet tona.

Elkan Mamadov - përfaqësues i FIFA-s:

“Dua t'ju përshëndes në emër të presidentit tonë Gianni Infantino dhe sekretares së përgjithshme Fatma Samoura. Ky është një rast për të vënë në dukje bashkëpunimin e shkëlqyer të FFM-së me FIFA-n, i reflektuar në drejtim të zhvillimit të futbollit dhe puna e përbashkët do të vazhdojë të sjellë përfitime për vendin tuaj të bukur. FFM realizon me sukses programet e ofruara nga FIFA, veçanërisht FIFA Forward - programi dhe më vjen mirë që fondet përdoren me efikasitet, veçanërisht për komponentin kyç - infrastrukturën. FIFA ka nisur një cikël të tretë me FIFA Forward dhe ne po presim bashkëpunim dhe nuk kemi dyshim se fondet do të përdoren me efikasitet dhe zgjuarsi, të gjitha me synimin për të zhvilluar futbollin. Urime për përkushtimin dhe punën e palodhur, ndërsa FIFA do të vazhdojë t'ju mbështesë."

Denis Bastari – përfaqësues i UEFA-s

“Futbolli evropian u përball me shumë sfida të mëdha edhe në vitin e kaluar, por ne treguam solidaritet dhe mbështetje për njëri-tjetrin. Uniteti dhe solidariteti janë çelësi për tejkalimin e të gjitha vështirësive. Ne duhet të vazhdojmë të zhvillojmë futbollin dhe me shkallën e shtuar të programit të hat-trick të UEFA-s, ne do të vazhdojmë të mbështesim futbollin dhe të investojmë në të gjithë Evropën. E kemi rritur fondin e hat-trick-ut për 21 për qind dhe dua të theksoj se do të vazhdojmë me projekte të suksesshme dhe jemi shumë të lumtur sepse me FFM-në do të vazhdojmë të njëjtat rrugë edhe në të ardhmen. Le ta mbajmë futbollin në këtë nivel atraktiv. Ju keni mbështetjen tonë gjatë kësaj rruge”.