Ukrainë - Maqedoni

Eliminatoret për Euro 2024

14 tetor, ora 15:00, Stadiumi Sparta Prague, Çeki

Përfaqësuesja A e Maqedonisë filloi sot zyrtarisht përgatitjet për ndeshjen eliminatore për Kampionatin Europian 2024 kundër Ukrainës (14 tetor, ora 15:00) në Pragë.

Futbollistët e ftuar, me përjashtim të Valon Etemit dhe Elif Elmasit, të cilët sonte do të arrijnë në bazën e ekipit, stërvitjen e parë e bënë në “Petar Milloshevski” në Shkup. 

I rikthyeri në përfaqësuesen më të mirë, Darko Çurlinov, thotë se është i lumtur që pas sfidave shëndetësore mund të luajë sërish futboll, madje edhe më i lumtur që është pjesë e përfaqësueses së Maqedonisë. Futbollisti i Burnley beson se ndaj Ukrainës duhet të konfirmojmë cilësinë për një rezultat pozitiv.

“Kam kaluar një periudhë të vështirë dhe ndihem mirë të rikthehem në fushë. Jam i lumtur që luaj sërish futboll dhe shumë i lumtur që jam pjesë e përfaqësueses së Maqedonisë”.

“Ne të gjithë jemi këtu për njëri-tjetrin. E dimë cilësinë e kësaj përfaqësuese dhe pavarësisht kundërshtarit duhet ta tregojmë në fushë”.